Home   >   Teknoolajiyada   >   Isticmaalayaasha Facebook oo gaaray billion

Isticmaalayaasha Facebook oo gaaray billion

By on October 5, 2012

Madaxa iyo aasaasaha bogga isku xirka bulshada ee Facebook Mark Zuckerberg ayaa ku faafiyay bog uu ku leeyahay Facebook war uu ku sheegayo in dadka isticmaala shabakaddiisa ay gaareen hal bilyan oo qof.

Mark Zuckerberg ayaa u mahadceliyay dadka isticmaala Facebook, wuxuuna ballan-qaaday inuu ka shaqeyn doono sidii ay shabakaddu u noqon lahayd barta ugu wanaagsan ee lagu kulmo, isla markaana uu gaarsiin doono horumar maalinba maalinta ka dambeysa.

Bishii June ee sanadkan ayay ahayd markii dadka isticmaala bogga ay gaareen 955 milyan oo qof, waxayna ku qaadatay afar bilood inay shabakaddu hesho hal bilyan oo isticmaale.

Facebook oo hawada la geliyay bishii February ee sanadkii 2004 ayaa helay intii uu jiray LIKES gaaraya 1.3 trillion, waxaana lagu wadaagay 219 milyan oo sawir. Waa bogga ugu shacbiyadda badan bogagga ay bulshadu ku xiriirto.

Cabdalle Xaaji Geedi (Geedi Yare)

About SomDaily

Social Widgets powered by AB-WebLog.com.

Plugin from the creators of Brindes :: More at Plulz Wordpress Plugins